深夜 11 點，廣州復大腫瘤醫院依然燈火通明。一場與死神賽跑的搶救正在上演——一名印尼籍患者因右頸部梭形細胞肉瘤侵犯頸動脈，引發突發性破裂大出血。鮮血瞬間狂噴，失血量高達接近 1000ml！

　　無聲的生命警報，驟然響起！在最危急嘅關頭，賈欣彤醫師同值班護士化身成為第一道防線，毫不猶豫衝上前，用雙手死力按住出血點。呢一下按壓，足足持續咗 一個鐘。每一秒，都係生命流逝嘅倒數；每一秒，都靠住意志同責任感硬撐。

　　刻不容緩，全院多科室同步行動

　　搶救生命一刻都拖不得。相關科室迅速進入戰備狀態，無縫協作。介入科楊清峰主任同丘寧寧醫生深夜從屋企趕返醫院，接力為患者進行介入栓塞止血。在凌晨最靜嘅時刻，佢哋用專業同堅持守住咗第一道曙光。

　　醫院血庫亦全晚燈光不滅。多得醫院今年第四次員工捐血活動嘅儲備，臨床用血先至得以保障。面對某啲血型告急，服務部司機主動請纓：「條路我熟晒，我去送！」佢雙手緊握軚盤，喺城市夜幕中穿梭，用最快速度將呢袋「熱血」送到手術樓層。呢條無形嘅生命補給線，因每位平凡崗位上嘅不平凡付出，而變得無比堅實。

 　　愛，無時差；救援，無國界

　　遠喺印尼嘅劉正平醫生一樣徹夜緊握電話，心繫廣州嘅搶救進展。跨國資訊透過翻譯人員高速往返，凝聚起兩地嘅關懷同專業力量。

　　經牛立志院長、曾宗淵教授、徐炯源主任以及外院專家嘅多學科緊急評估，團隊決定為患者植入覆膜支架。各科室仿如精密齒輪緊密扣合，應急預案高效運轉，綠色生命通道全面打通。

　　然而，就喺天光前嘅一線希望浮現之時，轉運過床嘅輕微晃動，竟再度引爆大出血！千鈞一髮之際，王杰夫醫生嘅雙手如同鐵鉗般死死按住創口；面對狂噴嘅鮮血佢紋風不動，化身「人體止血鉗」，為手術團隊爭取咗最重要嘅時間。經過 三個多鐘 不停手嘅徒手按壓，覆膜支架最終順利植入！

　　當生命警報終於解除，由廣州到印尼，所有懸着嘅心終於放低。呢場歷時 18 小時嘅生死營救，背後係介入科、ICU、麻醉科、採購部、翻譯團隊等全院多科室無縫配合——一幅同心協力、並肩作戰嘅最動人圖畫。

　　而呢並非唯一嘅奇蹟。就喺上個月，同一班團隊亦上演過另一場驚心動魄嘅搶救：一名印尼患者因口腔腫瘤突發大出血，多種常規止血方式全部失效。危急時刻，王杰夫醫生再次挺身而出，徒手按壓出血點 超過兩個鐘，為介入科同麻醉團隊爭取寶貴嘅手術窗口。經 45 分鐘高效配合，佢哋成功栓塞血管，再下一城。

　　呢個無硝煙嘅戰場上，白袍之下，唔止係精湛醫術，仲係用血肉之軀鑄成嘅生命盾牌；唔止係職責，仲係以生命守護生命嘅溫柔與堅定。

　　致敬每一雙從未放開嘅手，致敬每一次全力托起生命嘅時刻——呢，就係我哋全院上下同心、為愛守護嘅動人篇章。

　　點擊了解更多患者故事

　　>>> https：//hongkong.fudahospital.com/

　　您可以通過以下方式聯絡我們：

　　電話： +86 18922261712

　　Whatsapp： +86 18922261712

　　網站： https：//hongkong.fudahospital.com